.avif)
Дэлхийн томоохон компаниудыг Парисын тунхагт заасан хүлэмжийн хийг багасгах үүргээ биелүүлж байгаа үгүйг хянадаг гол байгууллагын нэг “Science Based Targets” гэх төслийг 10 тэрбум ам.доллароор санхүүжүүлэх амлалт өгөөд байсан “The Bezos Earth Fund” нэртэй сан энэхүү амлалтаасаа буцжээ. Тус сан нь “Science Based Targets”-ийн гол хоёр санхүүжүүлэгчийн нэг бөгөөд өнгөрсөн гурван жилийн хугацаанд дээрх амласан мөнгөн дүнгийнхээ түрүүч болох нийт 18 сая ам.долларын тусламж үзүүлээд байж.
Дэлхийн тэргүүн баячуудын нэг Жефф Безос ийнхүү уур амьсгалын өөрчлөлттэй тэмцэх үйлсэд оруулж байсан санхүүжилтээ зогсоосон нь Дональд Трамп Америкийн Ерөнхийлөгч болсонтой холбоотой, тэрбумтнууд түүний үгээр байх болсны нэгээхэн илрэл гэж ажиглагчид үзэж байна. Трамп уур амьсгалын өөрчлөлт, дэлхийн дулаарлыг худал хуурмаг гэж үздэг бөгөөд байгаль орчны салбарт их хэмжээний хөрөнгө мөнгө зарцуулахыг хэзээнээсээ эсэргүүцэж ирсэн юм. Тэрээр Ерөнхийлөгчийн тангараг өргөсөн даруйдаа улс орноо Парисын тунхгаас гаргах хуулийн төсөлд гарын үсэг зурсан билээ.
.avif)
.avif)
