АНУ-ын Нью-Йорк мужийн засан хүмүүжүүлэх газрууд үйл ажиллагаагаа хэвийн үргэлжлүүлэх хэмжээний хуяг, харгалзагч, албан хаагчгүй болсноос хоригдлуудаа хугацаанаас нь өмнө суллахаар болжээ. Ажлын орчин нөхцөл, цалин хөлсөө голж ажил хаясан 2000 гаруй алба хаагчийг Трампын шинэ засаг захиргаа буюу Холбооны Засгийн газар хэдэн долоо хоногийн өмнө ямар нэг яриа зөвшилцөлгүйгээр халсан нь ийм байдалд хүргэсэн байна. Иймд мужийн захиргаа ирэх энэ даваа гаргаас эхлэн ойрын 15-110 хоногийн дотор суллагдахаар яригдаж байсан хөнгөн ялтай хоригдлуудын нэрсийн жагсаалтыг гаргахыг засан хүмүүжүүлэх газруудын захиргаанд даалгажээ.
Трампын Засгийн газар төрийн мөнгийг хэмнэх нэрээр салбар салбарын хэдэн зуун мянган хүнийг цомхотгоод байна. Хамгийн сүүлд эрүүл мэндийн салбарт цомхотгол хийх, санхүүжилтийг нь 11 тэрбум ам.доллароор танах төлөвлөгөөгөө танилцуулсных нь дараа Америкийн нийт 23 муж болон нийслэл Вашигтон хотын Эрүүл мэндийн газар Засгийн газраа шүүхэд өгөхөө мэдэгдээд байна.
.avif)
