Уур амьсгалын өөрчлөлтөөс шалтгаалсан байгалийн онц ноцтой үзэгдэл газар авахын хэрээр өргөн хэрэглээний хүнсний бүтээгдэхүүний үнэ тасралтгүй нэмэгдсээр байхыг мэргэжилтнүүд анхааруулжээ. Тухайлбал кокоаны үр, кофе, шоколадны үнэ өнгөрсөн ганц жилийн хугацаанд дэлхийн ихэнх хэсэгт хоёр дахин өссөн бол зарим газарт кокоаны үнэ 163, кофений үнэ 103 хувиар өссөн мэдээ байна.
Мөн наранцэцгийн тосны үнэ Болгар, Украины нутагт ургац буурснаас болж 56 хүртэлх хувиар өсчээ. Өнгөрсөн онд Болгарт ган гачиг нүүрлэсэн бол Украинд Оросын эзлэн түрэмгийллээс болж ургацын гарц тасралтгүй муудсаар байна. Жил гаруйхны хугацаанд үнэ нь нэмэгдсэн бусад хүнсний бүтээгдэхүүнээс дурдвал жүржийн шүүс, цөцгийн тос, үхрийн мах зэргийн үнэ 2023 оныхоос дунджаар гуравны нэгээр нэмэгджээ.
Судалгааг хийсэн “Inverto” гэх байгууллагын тооцоогоор Зүүн Азийн орнуудад хэт халах үзэгдэл ойрхон давтамжтай болж ирсэн нь Японд цагаан будаа, Хятадад хүнсний ногооны үнэ өсөхөд мөн нөлөөлж байгаа аж.
Дээрх үнийн өсөлт хамгийн их ажиглагдсан бүс нутгуудийн эхэнд кокоа үйлдвэрлэгч баруун Африкийн орнууд, кофе үйлдвэрлэгч Бразил, Вьетнам зэрэг улс бичигдэж байна. Эдгээр бүс нутагт ган гачиг, гэнэтийн их халах үзэгдэл олон жилийн дунджаас хэд дахин нэмэгджээ.
Өнгөрсөн 2024 он түүхэн дэх хамгийн халуун жилээр бүртгэгдсэн бол энэ оныг өмнөх жилийн амжилтыг эвдэнэ гэж мэргэжилтнүүд анхааруулсаар байгаа юм.
.avif)
.avif)
