“Мөрөөдлийнхөө төлөө-Шударга өрсөлдье” уриан дор хүүхдийн өвлийн спортын VIII наадам амжилттай зохион байгуулагдлаа. Наадамд 7 дүүрэг 15 аймгийн нийт 546 тамирчин 478 багц медалийн төлөө өрсөлдлөө. Хан-Уул дүүргийн баг тамирчид спортын долоон төрөлд долоон дасгалжуулагч, 56 тамирчны бүрэлдэхүүнтэйгээр оролцож алтан медаль тав, мөнгөн медаль зургаа, хүрэл медаль гурав нийт 14 медаль хүртэв. Ийнхүү дүүргүүдийн багийн нийлбэр дүнгээр гутгаар байрт шалгарлаа. Энэхүү өвлийн наадамд анх удаа багтаж байгаа тусгай олимпын хоёр төрөлд Хан-Уул дүүргээ төлөөлөн С.Эрдэнэбаатар захиралтай, Б.Ганболд дасгалжуулагчтай 63-р сургуулийн таван тамирчин оролцож гүйлтийн цана болон цасны гуталтай гүйлтийн төрлүүдэд өрсөлдөж хос хүрэл медаль хүртлээ.
Галлерэй:
Зураг олдсонгүй.
.avif)
.avif)
