УИХ-ын намрын чуулган завсарлаж зарим гишүүд тойрогтоо ажиллаж байна. Тэгвэл Хан-Уул дүүргээс сонгогдсон УИХ-ын гишүүн Ж.Алдаржавхлан чуулганы завсарлагаанаар өмнө эхлүүлсэн ажлуудынхаа явц, хэрэгжилт, үр дүнтэй танилцлаа. Тэрбээр 2025.01.31-ний өдөр ХУД-ийн I хороонд шинээр ашиглалтад орсон 67-дугаар цэцэрлэгийн өргөтгөл, II хороонд баригдаж буй 15-р сургуулийн өргөтгөл, XVII хороо Кинг таур хотхон дунд баригдаж буй шинэ сургуулийн барилга угсралтын ажлын явцтай танилцсан юм.
Ж.Алдаржавхлан парламентад сонгогдохоос өмнө дүүргийн Засаг даргаар ажиллаж байхдаа санхүүжилт болон газрын асуудлыг шийдвэрлэснээр XVII хороонд 960 хүүхдийн суудалтай сургуулийн барилга угсралтын ажил эхэлсэн юм.
Тодруулбал, 2025 оны байдлаар ХУД-т 10 сургууль, 12 цэцэрлэг, 7 сургууль, цэцэрлэгийн цогцолбор баригдаж байна. “Эхлүүлсэн ажлуудын явц ямар байгаа, асуудал бэрхшээл юу байгааг мэдэхийн тулд газар дээр нь очиж үзэж танилцаж байна. Чуулганы завсарлагааны хугацаанд тойргийнхоо иргэдтэй уулзахаар төлөвлөсөн” гэдгийг тэрээр хэллээ.
Галлерэй:
Зураг олдсонгүй.
.avif)
.avif)