Олон улсын “Фитч” агентлаг Монгол Улсын зээлжих зэрэглэлийг 10 жилийн дараа “B+тогтвортой” зэрэглэлд ахиуллаа. Тус агентлагийн энэ шийдвэр манай эдийн засаг 2012 онд хүрч байсан түвшиндээ ойртож байгааг илтгэж байна хэмээн Ерөнхий сайд Л.Оюун-Эрдэнэ фэйсбүүк дэх албан ёсны хаягаараа уламжилсан байна.
Зээлжих зэрэглэл дээшилснээр хөрөнгө оруулагчдын итгэл сэргэж, зээлийн хүү буурах суурь нөхцлийг бүрдүүлдэг. Монгол Улсын Засгийн газраас өрийн удирдлагын оновчтой бодлогыг хэрэгжүүлж, гадаад өрийн дарамтыг бууруулсан, улсын гадаад валютын нөөц сүүлийн жилүүдэд тогтмол сайжирсан, төсвийн сахилга бат сайжирсан, эдийн засгийн өсөлт ба хамтарсан засаглал нь улс төрийн тогтвортой байдлыг илэрхийлж, Засгийн газрын бодлого цаашид үргэлжлэх дохио болсон зэрэг нь Монгол Улсын зээлжих зэрэглэл сайжрахад голлон нөлөөлсөн гэж “Фитч” агентлагийн тайланд дурджээ.
.jpg)
