.avif)
Дэлхийн өнцөг булан бүрд зэвсэгт зөрчил, уур амьсгалын өөрчлөлтөөс үүдэлтэй байгалийн гамшигт үзэгдэл нэмэгдсэнээс болж нэгэн цагт 19 дүгээр зууны өвчин гэгдэж байсан урвах буюу булчин задрах тахлын тохиолдол олон улсад нэмэгдэх болсныг ДЭМБ-аас анхаарууллаа.
Өнгөрсөн 2024 онд дэлхийн хэмжээнд уг өвчний 804 мянга гаруй тохиолдол бүртгэгдсэнээс 5805 нь үхэлд хүрчээ. Энэ нь өмнөх буюу 2023 оныхтой харьцуулахад бараг 50 хувиар өссөн үзүүлэлт гэнэ.
Мөн онд дэлхийн хэмжээнд булчин задрах тахлын 535 мянга гаруй тохиолдол бүртгэгдэж байж. Харин тэдгээр өвчтөний 4007 нь амиа алдсан байна. Гэхдээ энэ бүх тооцоог бодит байдал дээр хавьгүй өндөр байгаа, жилд дунджаар 1.3-аас дөрвөн сая хүн холер өвчний халдвар авдаг гэсэн судалгаа байдаг аж.
Олон улсын нөхцөл байдал тогтворгүй, дайн дажин, үймээн самуунаас болж хэдэн арван улсад вакцин тасалдахад хүрсэн нь өвчний дэгдэлтэд нөлөөлсөн гэж шинжээчид үзэж байна. Шинэ он гарсаар Мьянмар, Ардчилсан БН Конго, Судан, Өмнөд Судан, Ангол, Гана гэсэн зургаан улс хэдийнээ олон улсын байгууллагуудаас булчин задрах тахлын вакцин, эм тарианы тусламж хүсээд байгаа гэнэ.
.avif)
.avif)
