Холливүүдийн од, Оскарын хоёр удаагийн шагналт Жийн Хэкмен болон түүний төгөлдөр хуурч эхнэр Бетси Аракава нарын цогцос Америкийн Нью Мексико мужийн Санта Фе хот дахь гэрээс нь олдсон билээ. Гаднаасаа ил гэмтэл шархгүй, ямар нэг гэмт хэргийн ул мөргүй байгаа авч амьсгал хураагаад олон хоног болсон тэдний үхлийн шалтгааныг албаныхан хэрэг үүсгэхүйц, сэжигтэй гэж үзжээ. 95 настай байсан Хэкмений цогцос гал тогооны хажуугийн жижиг өрөөнөөс, харин 65 настай эхнэрийнх нь цогцос угаалгын өрөөнөөс олдсон байна. Эхнэрийнх нь дэргэдээс мөн хосын нохой үхсэн байдалтай олджээ. Угаалгын өрөөний тавиур дээр олон төрлийн эм тарааж хаясан байж.
Урьдчилсан үзлэгээр эхнэр, нөхөр хоёр амьсгал хураагаад олон хоносон нь тогтоогдоод байна. Гэхдээ яг хэд хоносон, үхлийн шалтгаан нь юу болохыг тогтооход задлан шинжилгээ хэрэгтэй гэнэ. Жийн Хэкменийг гэнэт ухаан алдан унасан байх магадлалтай гэж таамаглаж байгаа аж.
.avif)
