Холливүүдийн нэрт жүжигчин Жийн Хэкменийг хоёрдугаар сарын 18-нд зүрхний шигдээсээр өөд болсныг албаныхан тогтоожээ. Харин түүний эхнэр Бетси Аракава мэрэгч амьтнаас хүнд халдварладаг тун ховор төрлийн хантавирусээс болж нөхрөөсөө долоо хоногийн өмнө буюу хоёрдугаар сарын 11-ний өдөр амьсгал хураасан гэж шүүх эмнэлгээс дүгнэсэн байна. 95 настай, хүнд шатны альцгеймертай байсан Хэкмен эхнэрээ угаалгын өрөөндөө өөд болсныг мэдэлгүй бүтэн долоо хоног асарч халамжлах хүнгүй ганцаараа байж байгаад магад харангадаж, туйлдсанаас болж зүрхний шигдээсээр амьсгал хураасан байх магадлалтай гэнэ. Эхнэр, нөхөр хоёрын цогцсыг хоёрдугаар сарын 26-ны өдөр засварын ажилчин анх олсон юм. Хосын гурван нохойны нэг нь мөн хайрцган дотроо өлбөрч үхсэн байдалтай олдсон билээ.
Хэкмен 1960-аад онд анх алдаршиж, 40 гаруй жилийн карьерынхаа явцад 100 орчим кинонд тоглон хоёр ч Оскарын эзэн болж байв. Харин нөхрөөсөө 29 насаар дүү байсан эхнэр Бетси Аракава нь Хавайд төрж өссөн, сонгодог хөгжим тоглодог төгөлдөр хуурч байжээ. Хэкмен анхны эхнэрээсээ гурван хүүхэдтэй аж.
.avif)
