УИХ-ын Эдийн засгийн байнгын хорооны хуралдаанаар Санхүүгийн зохицуулах хорооны гишүүнд нэр дэвшигчийн томилгооны сонсголыг хэлэлцэх үеэр зарим гишүүн шүүмжлэлтэй хандсан. Нэр бүхий улстөрчдийн ах, дүү хамаатан садангийн нэрийг оруулж ирсэнд олон нийтийн зүгээс ч эсэргүүцээд байв. Тодруулбал, Шадар сайд Т.Доржхандын үеэл Л.Сонорын томилгоотой холбоотойгоор УИХ-ын гишүүн Ж.Алдаржавхлан байр сууриа илэрхийлэхдээ "Санхүүгийн зохицуулах хороо ард түмэнд хэзээ ч нээлттэй байгаагүй. Дандаа нэг улстөрчдийн тавиул очиж даргаар нь суудаг. Өөрөө үргэлж дээгүүр явсан хүн байна. Сангийн яамнаас эхлээд өндөр түвшинд явсан хүн байна. Яг банк бус, даатгалын компани ажиллуулж тэр гал тогоонд ажиллаж байгаа хүмүүстэй уулзаж үзсэн үү. Сангийн яаманд ажиллах орон нутагт ажиллах тэс өөр байдаг. Тэгэхээр амьдралын гүн рүү орж ажиллаасай, анхан шат руу очоосой. Банк бус, хадгаламж зээлийн хоршоо ажиллуулж байгаа хүмүүсийн зовлонг сонсож ажиллаарай гэв”.
Л.Сонор “Би бол брокерийн компани юм уу банк бус санхүүгийн байгууллагад ажиллаж үзээгүй. Тиймэрхүү ажлын туршлага байхгүй нь үнэн. Гэхдээ ажлын онцлогоос шалтгаалж зах зээлтэй ойрхон байх шаардлага байдаг. Хорооны гишүүн болохоороо танилцая гэж бодож байна” гэсэн юм.
.avif)
.avif)
