Тайландын албаныхан тус улсад бүтэн 10 жил засан хүмүүжүүлэх төвд хоригдсон 40 орчим уйгар иргэнийг Хятадын талд хүлээлгэн өгч, Шинжаан хүрэх онгоцонд суулгасан гэсэн мэдээ байна. Олон улсын хүний эрхийн байгууллагууд тэдгээр иргэнийг эрүү шүүлт, бүр цаазын ял ч хүлээж байж магадгүй хэмээн үзэж байгаа тул Тайландын эл шийдвэрийг эрс буруушаажээ. Хятадын эрх баригчдыг олон улс Шинжааны исламын голдуу шүтлэгтэй үндэстний цөөнх иргэдийг хэзээнээсээ хяхаж хавчиж ирсэн гэж шүүмжилдэг болон Бээжин үүнийг үгүйсгэхээс гадна уйгар иргэдийн мэдээллийг хатуу хянадаг юм. Тайланд улс хамгийн сүүлд 2015 онд уйгар иргэдийг Хятадад хүлээлгэн өгч байж. Тайландын хэвлэлийнхний мэдээлж буйгаар саатуулах байранд байх хугацаандаа гэмт хэрэг үйлдсэн гэх найман уйгар иргэн Тайландад үлдээд байна.
Тус улсын Ерөнхий сайд Патонгтарн Шинаватра удахгүй Хятадад айлчлах бөгөөд айлчлалынхаа үеэр дээрх уйгар иргэдэд санаа тавина, орон гэртээ эсэн мэнд харьсан үгүйг нь лавлана гэжээ. Харин Хятадын тал “зохион байгуулалттай гэмт бүлэглэлд уруу татагдан, хууль зөрчин улс орноосоо дайжаад байсан иргэдээ эронд нь буцаан авчирлаа” гэхээс өөр мэдэгдэл хийгээгүй байна.
.avif)
