УИХ-ын гишүүн Б.Уянга хөдөө, бүр тодруулбал нутагтаа очиж багшлахаар болжээ. Тэрбээр парламентын чуулган завсарлах хугацаанд Өмнөговь аймгийн ШУТИС-ийн гуравдугаар дамжааны оюутнуудад “Монгол Улсын ашигт малтмалын хэтийн төлөв, эдийн засаг” хичээл заах аж.
Энэ тухайгаа Б.Уянга гишүүн “”Дэлхий түвшний оюунлаг инженерийг Өмнийн говьд бэлтгэнэ" уриатай Өмнөговь аймаг дахь ШУТИС-ийн салбар технологийн дээд сургуульд ШУТИС-ийн зөвлөх профессорын хувиар ирэх сард багшлахаар боллоо.
Нэгэнт Даланзадгадад суурин байх тул залуучууд руу чиглэсэн ажлуудыг зохион байгуулна. Өсвөр үеийнхэн маань идэвхтэй оролцоорой. Зөвлөх профессороор ажиллах боломж олгож, урилга илгээсэн ШУТИС-ийн хамт олонд болон Т.Намнан ректорт талархал илэрхийлье” гэжээ.
Тэрбээр Өмнөговь аймгийн Цогтцэцийгээс гаралтай. Геологич мэргэжилтэй. АНУ, Харвардын их сургуульд доктор хамгаалчихаад Японд Токиогийн их сургуульд хоёр жил гаруй судлаачаар ажилласан. Эх орондоо ирээд Үндэсний геологийн албаны дэд дарга, Уул уурхай, хүнд үйлдвэрийн яамны Геологийн бодлогын газрын дарга, Уул уурхай, хүнд үйлдвэрийн сайдын зөвлөх, дэд сайд, 2024 оноос УИХ-ын гишүүнээр ажиллаж буй.
.avif)
.avif)
