Италийн өдөр тутмын “Il Foglio” сонин дан хиймэл оюун ухаан ашигласан дэлхийн анхны сониныг хэвлэсэн байна.
AI технологи энэхүү дугаарын толгой, гарчиг, доторх мэдээ, нийтлэл, сурвалжилга, эшлэл, ерөнхий дизайн, дэглэлт, бүр нийтлэлийн агуулга дахь егөө хоржооныг хүртэл огт хүний оролцоогүйгээр гаргаж өгчээ.
Сонины редакц энэ гуравдугаар сарыг бүхэлд нь хиймэл оюун ухаан орчин цагт хүний өдөр тутмын амьдралд хэрхэн нөлөөлж эхэлснийг харуулах туршилтын сар болгосон гэнэ. Хиймэл оюун ухааны эрхэлсэн найман нүүртэй шинэхэн дугаарыг сонины ердийн дугаарын дунд хавчуулан өчигдөр борлуулжээ.
“Il Foglio”-гийн эрхлэгч Слаудио Керасагийн хэлснээр сэтгүүлч хүний ажил, үүрэг яваандаа хиймэл оюун ухаанаас асуулт асууж, хариултыг нь боловсруулах төдийхөн болж хувирах магадлал өндөр байгааг энэ туршилт нотлон харуулахын дээр уншигчдыг илүү хэрсүү, хашир байхыг сануулсан анхааруулга болж байна.
Дугаарын тэргүүн нүүрэнд “Италийн Трампуудын парадокс”, “Путин ба түүний 10 урвалт” зэрэг хурц, тод нийтлэлүүд хэвлэгдсэн бол хоёрдугаар нүүрэнд нь орчин цагийн европ залуус тогтвортой харилцаанаас хэрхэн дөлөх болсон тухай асуудал хөндсөн сурвалжилга нийтлэгджээ.
Дугаарт зөв бичих болон хэл найруулгын нэг ч алдаа мадаг гараагүйгээс гадна ямар нэг асуудал үүсгэхгүйн тулд үгийг нь эш татсан нэг ч хүний нэрийг дурдаагүй байна.
.avif)
