Сирийн шинэ удирдагч, Ерөнхийлөгчийн үүрэг түр гүйцэтгэгч Ахмед аль-Шараа Ассадын дэглэмийн дараах улс орноо сэргээн босгох таван жилийн шилжилтийн төлөвлөгөөг баталсан Үндсэн хуулийн шинэ тунхаг бичигт гарын үсэг зурснаа “түүхэн үйл явдал” хэмээн тодотголоо. Шинэ тунхаг бичигт эмэгтэйчүүдийн эрх, иргэдийн үг хэлэх, үзэл бодлоо илэрхийлэх эрхийг онцгойлон бататгаж өгчээ. Мөн шашны эрх чөлөөг хүндэтгэнэ гэж тусгаж өгч. Өнгөрсөн долоо хоногт Ассадын гэр бүлийн харьяалагддаг алавит урсгалыг дагагч 1500 орчим хүнийг Сирийн тусгай хүчнийхэн хөнөөсөн Ассадыг дэмжигч хэмээн хөнөөсөн гэх ноцтой хэргийн дараахан уг тунхаг батлагдсан нь чухал гэгдэж байна.
Тунхаг бичигт “Ассадын дэглэм болоод түүний аливаа бэлгэ тэмдгийг сайшаах буюу хүндэтгэн үзэхийг хориглоно”, энэ мэт үйлдлийг “өмнөх дэглэмийн үйлдсэн аймшигт гэмт хэргүүдийг үгүйсгэсэнд тооцно” гэжээ. Улсын Ерөнхийлөгч исламын шүтлэгтэн байна, Ерөнхийлөгч дангаараа дур мэдэн онц байдал тогтоох эрхтэй гэж мөн заасан байна.
.avif)
