Дональд Трампын шинэ Засгийн газар исламын голдуу орнуудыг багтаасан нийт 43 улсын иргэдэд аяллын хориг тогтоохоор төлөвлөсөн гэсэн мэдээ байна. “The New York Times” сонин, “Reuters” агентлаг зэрэг хэвлэл мэдээллийн байгууллагуудын олж тогтоосноор аяллын шинэ хоригт багтсан орнуудыг улаан, улбар шар, шар гэж гурван өнгөөр ялгах бөгөөд улаан жагсаалтад орсон Афганистан, Бутан, Куба, Иран, Ливи, Хойд Солонгос, Сомали, Судан, Сири, Венесуэл, Иемен гэсэн 11 улсын иргэдэд Америкийн виз огт олгохгүй байхаар шийдвэрлэжээ.
Харин Гаити, Орос, Пакистан зэрэг “улбар шар” орнуудын иргэдэд зөвхөн онцгой тохиолдолд л виз олгох бол Камбож, Зимбабве, Конго зэрэг улс багтсан шар жагсаалтын орны иргэд визтэй байсан ч тусгай зөвшөөрөлгүйгээр 60 хоногоос илүү хугацаагаар Америкт суурьших эрхгүйн дээр хугацаа хэтэрсэн тохиолдолд улс орон нь улбар шар, бүр улаан жагсаалтад орох эрсдэлтэй гэнэ.
Одоогоор Цагаан ордон шинэ хоригийн талаар албан мэдэгдэл гаргаагүй байна.
Галлерэй:
Зураг олдсонгүй.
.avif)
