Засгийн газрын өнөөдрийн /2025.03.26/ ээлжит хуралдаанаар Стандартчилал, техникийн зохицуулалт, тохирлын үнэлгээний итгэмжлэлийн тухай хуулийн шинэчилсэн найруулгын төслийг УИХ-аар хэлэлцүүлэх асуудлыг хэлэлцэн дэмжлээ. Стандартчилал, техникийн зохицуулалт, тохирлын үнэлгээний итгэмжлэлийн тухай хуулийн шинэчилсэн найруулгын төсөл нь найман бүлэг 36 зүйлтэй.
Энэхүү хуулийн төсөлд:
-Стандарт, тохирлын үнэлгээний салбар дундын зохицуулалтыг бий болгосон.
-Төрийн хяналт шалгалтыг илүү тодорхой болгосон.
-Хуулийн нэр томьёоны тодорхойлолтыг ойлгомжтой болгосон.
-Монгол Улсын нутаг дэвсгэрт тохирлын үнэлгээний үйл ажиллагаа эрхлэх хуулийн этгээд бүр бүртгүүлнэ.
-Тохирлын үнэлгээний байгууллагын эрх үүргийг тодорхой болгосон.
-Мэдээллийн нэгдсэн санг бий болгох зэрэг зохицуулалтууд туссан.
Стандартчилал, техникийн зохицуулалт, тохирлын үнэлгээний итгэмжлэлийн тухай хуулийг баталснаар мэргэжлийн байгууллага хоорондын уялдаа холбоог хангаж, төр хувийн хэвшлийн хамтын ажиллагаа сайжирч стандартын хэрэгжилтийг хангуулахад өндөр ач холбогдолтой юм. Манай улсад нийт 6738 стандарт байгаагаас 44.8 хувь нь олон улсын түвшинд хүрсэн, үлдсэн нь шаардлага хангахгүй байна. Монгол Улсад хүчин төгөлдөр мөрдөж буй бодлогын баримт бичгийг хэрэгжүүлэх зорилтын хүрээнд үндэсний стандартыг олон улсын стандартын жишиг үзүүлэлттэй нийцүүлэх зорилготой нийт 64 техникийн хороо үйл ажиллагаа явуулж байна.
.avif)
.avif)
