ОХУ-ын Ерөнхийлөгч Владимир Путин Сирийн удирдагч Ахмед аль-Шараатай хамтран ажиллаж, Сирийн газар нутгийн бүрэн бүтэн байдлыг сахин хамгаалахад бэлэн гэдгээ илэрхийлжээ. Путин 13 жил үргэлжилсэн тус улсын Иргэний дайнаар аль-Шараагийн гол дайсан Башар аль-Асадын гол дэмжигч байсан юм. Харин өнгөрсөн арванхоёрдугаар сард аль-Шараагийн тэргүүлсэн зэвсэгт бүлэглэл Асадын дэглэмийг түлхэн унагаснаас хойш оросууд Сири дэх цэргийн баазуудаа хамгаалах гэж зүдэрч байгаагийн дээр шинэ засаг төртэй нь ямархуу харилцаатай байхаа хараахан тодорхойлж чадаагүй байсан билээ. Аль-Асадын гэр бүлийн хамт Москва руу зугтсан агаад Москвагийн албаныхан түүнд улс төрийн орогнол олгоод байгаа юм.
Харин дээрх мэдэгдэлдээ Путин Сирийн нөхцөл байдлыг тогтворжуулах нь юу юунаас илүү чухал, шашин шүтлэг хоорондын хагарал зөрчилдөөн газар аваасай гэж хүсэхгүй байна, Сирийн байдал дээрдэхгүй бол Ойрх Дорнодод бүхэлд нь аюул заналхийлнэ гэжээ. Нэгэн цагт “Аль-Каида” бүлэглэлийн нэг жигүүр гэгдэж байсан аль-Шараагийн HTS хөдөлгөөн өнгөрсөн нэгдүгээр сарын сүүлээр албан ёсоор тарсан гэх ч Асадын харьяалагддаг шашны цөөнх алавит урсгалын хүмүүсийг хэдэн зуугаар нь хядсан гэсэн мэдээ байгаа юм.
.avif)
