“Намрын ногоон өдрүүд-Үндэсний үйлдвэрлэл” нэгдсэн арга хэмжээг энэ сарын 23-29-ний өдрүүдэд Төв цэнгэлдэх хүрээлэнд зохион байгуулж байна. Үзэсгэлэнд 21 аймгаас шалгаран ирсэн бренд бүтээгдэхүүн болон эх орныхоо хөрсөнд ургасан ургацын дээж, махан болон сүүн бүтээгдэхүүн, ноос ноолуур арьс ширэн бүтээгдэхүүн, шинэ содон гар урлалууд борлуулагдаж байна. Тухайлбал, Булганы Сайхан, Архангайн Хотонтын айраг, Говь-Алтай Суль болон Цулхирын гурил, Хэнтийн цөцгий, мойлтой тос, Баянхонгорын тэмээн тавхай ааруул, Ховдын тарвас, амтат гуа, Сэлэнгийн утсан загас, талх, Завханы зэрлэг жимс гээд шимтэй бүхнээ дэлгэжээ.
Мөн “Намрын ногоон өдрүүд” хүнсний ногооны өргөтгөсөн худалдааг 2024.08.01 эхлүүлсэн. Иргэд хүнсний ногоогоо нөөцлөх, нөөшлөх боломжийг бий болгох, нийлүүлэлтийг нэмэгдүүлэх зорилготой өргөтгөсөн худалдаа есөн дүүргийн 21 байршилд болж байна. Үргэлжлүүлэн “Алтан намар 2024″ арга хэмжээг энэ оны арваннэгдүгээр сарын 15-ны өдрийг хүртэл зохион байгуулахаар төлөвлөжээ.
Эдгээр үзэсгэлэнгүүдийг Хүнс, хөдөө аж ахуй, хөнгөн үйлдвэрийн яам, Улаанбаатар хотын захирагчийн ажлын албатай хамтран зохион байгуулдаг.
.avif)
.avif)