Исландын Хүүхдийн асуудал эрхэлсэн сайд Астилдур Лоа Торсдоуттирийн 36 жилийн өмнө өсвөр насны хүүхдээс жирэмслэж, хүүхэд төрүүлсэн нь илэрч, тус улсад дуулиан дэгдээгээд байна.
Тэрээр 22 настайдаа хүүхэд, өсвөр насныханд зөвлөгөө өгөх нэгэн шашны байгууллагад мэргэжилтнээр ажиллаж байхдаа 15 настай хүүтэй дотносон, бэлгийн харьцаанд орж, жилийн дараа хүүхдийг нь төрүүлснээ өдийг хүртэл нууж иржээ.
Харин Торсдоуттирийг одоогийн нөхөртэйгөө танилцсанаас хойш хүүтэйгээ холбоо тасраад байсан хүүхдийн эцгийн нэгэн хамаатан эмэгтэй Исландын Ерөнхий сайд Криструн Фростадоуттирт гомдол гаргаснаар энэ бүх хэрэг мандсан байна. Ерөнхий сайд Фростадоуттирийг үнэнээ хэлэхийг шаардан дуудсан даруйд Торсдоуттир 30 гаруй жилийн өмнө алдаа гаргаснаа хүлээж, үүрэгт ажлаасаа чөлөөлөгджээ.
Исландад хувь хүний бие даан шийдвэр гаргах, бэлгийн харилцаанд орохыг хүлээн зөвшөөрөх насыг хэдий 15 гэж үздэг ч багш, сурган хүмүүжүүлэгч хүн 18-аас доош насны, насанд хүрээгүй хүүхэдтэй бэлгийн харьцаанд орсон бол гэмт хэрэгт тооцдог хууль хүчинтэй хэвээр байгаа аж. Ийм төрлийн гэмт хэрэгт дээд тал нь гурван жил хорих ял төлөвлөдөг байна.
.avif)
