Өнөөдөр нийт таван байнгын хороо хуралдана. Эдийн засгийн байнгын хороогоор Санхүүгийн зохицуулах хорооны дарга, орон тооны бус гишүүн, Санхүүгийн зохицуулах хорооны Хяналтын зөвлөлийн дарга, гишүүн, Монголбанкны Мөнгөний бодлогын хорооны орон тооны бус гишүүн, Монголбанкны Хяналтын зөвлөлийн дарга, гишүүн, Үндэсний статистикийн хорооны зөвлөлийн гишүүний албан тушаалд нэр дэвшигчийн томилгооны сонсголын тайлан бэлтгэнэ. Уг хурал хаалттай хуралдана.
Аюулгүй байдал, гадаад бодлогын байнгын хорооны хурлаар Мэдээлэл сонсоно. Хуралдаан хаалттай болно.
Төрийн байгуулалтын байнгын хорооны хуралдаанаар Нийтийн ашиг сонирхлыг хөндсөн асуудлаар гаргасан иргэдийн өргөдөл, Хархорум хотын бүтээн байгуулалт, хөгжлийг дэмжих тухай хуулийн төсөл болон хамт өргөн мэдүүлсэн хууль, тогтоолын төслүүдийн анхны хэлэлцүүлэг зэргийг хэлэлцэнэ.
Харин Хууль зүйн байнгын хороогоор Санхүүгийн зохицуулах хорооны Хяналтын зөвлөлийн гишүүний албан тушаалд нэр дэвшигчийн томилгооны сонсголын тайлан, Аж үйлдвэржилтийн бодлогын байнгын хороогоор Жижиг, дунд үйлдвэр, үйлчилгээг дэмжих тухай хуулийн хэрэгжилт болон дунд үйлдвэрийг хөгжүүлэх сангийн эх үүсвэрийн бүрдүүлэлт, зээл олголт, эргэн төлөлт, зээлийн хэрэгжилт, үр дүнгийн талаарх Хүнс, хөдөө аж ахуй, хөнгөн үйлдвэрийн сайдын мэдээллийг сонсоно, мөн Байнгын хорооны тогтоолын төслийг (Ажлын хэсэг байгуулах тухай) тус тус хэлэлцэнэ.
.avif)
.avif)
