Орчин цагт эрүүл бус хоол хүнс, хөдөлгөөний дутагдал, дэлгэцийн хэт хамаарал, генийн онцлог, хүрээлэн буй орчны бохирдол зэрэг олон зүйлээс шалтгаалж тарган болон хэт тарган хүний тоо жилээс жилд нэмэгдэх болсон. Харин Польшийн Варшав хот дахь Зүрхний өвчин судлалын Үндэсний хүрээлэнгийн эрдэмтэд энэ бүхэн дээр хувийн харилцаа, гэр бүлийн байдал, сэтгэцийн эрүүл мэнд мөн хүний бие махбодын өөрчлөлтөд нөлөөлөх томоохон хүчин зүйлс болж нэмэгдэхийг онцолжээ.
Тэдний тогтоосноор эхнэртэй эрчүүд гоонь эрчүүдтэй харьцуулахад хэт таргалах магадлал нь 3.2 дахин өндөр байдаг бол гэр бүлийн байдал эрүүл мэндэд нөлөөлөх нь эрчүүдэд 62 хувь, эмэгтэйчүүдэд 39 хувь гэж гарсан байна.
Өөрөөр хэлбэл, гэрлэлт эмэгтэйчүүдээс илүү эрчүүдийн эрүүл мэндэд сөрөг нөлөөтэй байдаг гэсэн үг.
Хэдэн жилийн өмнө хятад эрдэмтэд мөн үүнтэй төстэй ажиглалт, судалгаа хийж эрчүүдийн дийлэнх нь гэр бүл зохиосон эхний таван жилдээ эрс жин нэмдэгийг тогтоож байсан юм.
Хэт таргалалттай хүний тоо 1990 оныхтой харьцуулахад хоёр дахин нэмэгдсэн гэх тооцоо бий бөгөөд энэ нь дэлхийн хэмжээнд өдгөө бага насны хүүхдүүдийг оролцуулаад хэт тарган 2.5 тэрбум орчим хүн бий гэсэн үг юм. Хэрэв энэ тоо одоогийн хурдаараа өссөөр байвал 2050 он гэхэд дэлхийн хүн ам дахь насанд хүрэгчдийн тэн хагас, харин хүүхдүүдийн гуравны нэг нь тарган юм уу, хэт тарган байна гэсэн судалгаа бий.
.avif)
