Дэлхийн эрүүл мэндийн байгууллагаас тогтоосон агаарын чанарын стандартад нийцэх долоохон улс байгааг Швейцарьт төвтэй IQAir гэх байгууллагаас тогтоожээ. Хэдийгээр агаар дахь хүний биед хортой PM2.5 тоосонцрын хэмжээ нь хэзээнээсээ өндөр, хамгийн бохир агаартай гэгдэж ирсэн Энэтхэг, Хятад зэрэг улсад байдал харьцангуй дээрдсэн ч агаарын чанар нь дордсон улс орны тоо огцом нэмэгдсэн байна.
Судлаачдын тогтоосноор Австрали, Шинэ Зеланд, Эстони, Исланд, Багамын арлууд, Барбадос, Гренада гэсэн долоон улсын агаарын чанар куб метр тутам дахь PM2.5 нь таван микрограммаас хэтэрдэггүй гэсэн үзүүлэлтээр дэлхийд хамгийн цэвэр, эрүүлд тооцогджээ.
Харин хамгийн бохир агаартай улс орнуудын жагсаалтыг Чад, Бангладеш, Пакистан, БН Ардчилсан Конго, Энэтхэг тэргүүлсэн байна. Эдгээр таван улсын жилийн дундаж PM2.5 нь куб метр тутамд Дэлхийн эрүүл мэндийн байгууллагаас тогтоосон хэмжээгээс хамгийн багадаа 10 дахин өндөр гарсан бол хамгийн өндөр нь 18 дахин их Чад улс гэнэ.
Бохир агаар нь дэлхийн хэмжээнд зөвхөн даралт ихсэх өвчний дараа орох хүний үхлийн хоёр дахь гол шалтгаан гэгддэг юм.
Галлерэй:
Зураг олдсонгүй.
.avif)
