Долоон аймгийн 26 сум цагаан зудтай байна

Арав хоногт нэг удаа хийдэг хээрийн цасны хэмжилтийн мэдээгээр 2 дугаар сарын 10-ны байдлаар нийт нутгийн 60 гаруй хувьд цастай байна. Алтай, Хангай, Хэнтэй, Хөвсгөлийн уулархаг нутаг, Тамсагийн хоолойгоор 20 см-ээс их, Увсын Наранбулаг, Тэс, Баруунтуруун, Малчин, Хяргас, Завханы Баянхайрхан, Цэцэн-Уул, Цагаанчулуут, Отгон, Нөмрөг, Сонгино, Түдэвтэй, Баянхонгорын Баянбулаг, Галуут, Сэлэнгийн Ерөө, Хүдэрт 10.1-20 см, бусад нутагт 1-10 см, гуу жалга хунгарласан газартаа 30-50 см хүртэл зузаан цастай байна.

Засгийн газрын 286 дугаар тогтоолын дагуу зудын байдалд үнэлгээ хийхэд Баян-Өлгийн Сагсай, Увсын Давст, Түргэн, Сагил, Өлгий, Тэс, Зүүнговь, Улаангом, Наранбулаг, Ховдын Үенч, Завханы Цагаанчулуут, Отгон, Цэцэн-Уул, Сантмаргац, Ургамал, Сонгино, Эрдэнэхайрхан, Завханмандал, Нөмрөг, Баянхонгорын Баянбулаг, Хүрээмарал, Бөмбөгөр, Галуут, Сэлэнгийн Хүдэр, Төвийн Угтаалцайдам, Баян-Өнжүүлд цагаан зудын (нийт 7 аймгийн 26 сум) байдалтай байна.

‍ Увсын Ховд, Малчин, Завхан, Хяргас, Өндөрхангай, Тариалан, Баруунтуруун, Цагаанхайрхан, Ховдын Дарви, Алтай, Булган, Дөргөн, Чандмань, Зэрэг, Завханы Баянхайрхан, Түдэвтэй, Шилүүстэй, Тэлмэн, Тэс, Баянтэс, Их-Уул, Говь-Алтайн Хөхморьт, Шарга, Халиун, Баянхонгорын Жаргалант, Заг, Хөвсгөлийн Цэцэрлэг, Сэлэнгийн Ерөө (Бугант), Сүхбаатар, Дархан-Уулын Хонгор, Шарын гол, Орхон, Төвийн Цээл, Дундговийн Цагаандэлгэр, Адаацаг, Сүхбаатарын Түмэнцогт, Хэнтийн Галшар, Баян-Адрага, Дорнодын Халхголд цагаанаар зудархуу (13 аймгийн 39 сум) байдалтай байна.

• Салхины хурд тал хээр болон говийн зарим нутгаар түр зуур 16-26 м/с буюу аюултай үзэгдлийн, Баянхонгорын Баянцагаан, Богдод 28-29 м/с, Говь-Алтайн Эрдэнэд 35 м/с буюу онц аюултай үзэгдлийн хэмжээнд хүрч салхилсан байна.
• Өнгөрсөн арав хоногт агаарын температур ихэнх нутагт олон жилийн дунджаас 1.1-7.7 градус хүйтэн, Архангай, Хөвсгөлийн нийт, Увс, Завхан, Баянхонгор, Өвөрхангайн ихэнх, Ховд, Говь-Алтай, Булган, Дундговь, Өмнөговийн цөөн сумдын нутгаар дунджийн орчим ба түүнээс дулаан, хур тунадас нутгийн 70 гаруй хувьд дунджаас бага, 30 орчим хувьд дунджийн орчим буюу түүнээс ахиу орсон байна.
• МАА-н үйлдвэрлэлд ихэнх нутагт малд нэмэгдэл тэжээл өгөх ажил хийгдэж байна.

‍