Дээрхийн гэгээн XIV Далай лам “Дуу хоолойгүйчүүдийн дуу хоолой” нэртэй шинэхэн номондоо ийн айлдсан байна. Энэ жил 89 настай тэрээр өмнө нь Далай ламын хойд дүр ахин тодрохгүй, Төвөдийн буддын шашны оюун санааны удирдагчийн зуун зууны түүхтэй залгамж халаа өөрөөр нь тасарна вий гэж ярьж байсан юм.
Харин Дээрхийн гэгээнтэн анх удаа хойд дүрээ Хятадаас төрөхгүй гэж албан ёсоор мэдэгдсэн тохиолдол энэ болж байна.
Далай лам 1959 онд Хятадын армийг эсэргүүцсэн төвөдүүдийн бослого дарагдсаны дараахан 23 настайдаа Энэтхэг рүү дүрвэж гарсан юм. Түүнээс хойш төрсөн нутагтаа хөл тавиагүй бөгөөд 1989 онд Нобелийн Энхтайвны шагнал хүртсэн билээ. Харин Бээжингийн эрх баригчид түүнийг “салан тусгаарлагч” хэмээдэг.
Дээрхийн гэгээнтэн шинэ номондоо мөн Хятадын албаныхны шинэ Далай ламаар тодруулах хэнбугайг ч Төвөдийн ард түмэн төдийгүй дэлхийн бурхны шашинтнууд хүлээн зөвшөөрөхгүй гэдгийг онцолжээ.
Мөн хойд дүртэй нь холбоотой бусад мэдээллийг ирэх долдугаар сард болох 90 насны ойгоороо олон нийтэд дэлгэнэ гэсэн байна.
“Дуу хоолойгүйчүүдийн дуу хоолой” номыг Америкт “William Morrow”, Британид “HarperNonFiction”, Энэтхэг тэргүүтэй бусад оронд “HarperCollins” хэвлэлийн газраас өнөөдөр худалдаанд гаргаж байгаа аж.
.avif)
