Далай багшийн Могой жилийн шинийн 15-ны мэндчилгээг хүргэж байна.
Өнөөдөр Төвдийн хуанлийн эхний сарын арван тавны өдөр бөгөөд жил бүр зохион байгуулагддаг Их залбиралын баяр (Монлам Ченмо)-ын оргил үе тохиож байна. Энэ баяр нь Төвдийн шинэ жилийн дараах хоёр долоо хоног үргэлжилдэг.
Энэхүү уламжлалын дагуу бид залбирлынхаа буяныг бүх амьтны сайн сайхны төлөө зориулдаг билээ. Энэ жил ч мөн адил, би манай дэлхийд илүү их энх тайван, ойлголцол бүрдэхийн төлөө чин сэтгэлээсээ залбирч байна. Өнөөдөр Украин, Газа болон дэлхийн бусад олон бүс нутагт зөрчил мөргөлдөөний улмаас хэчнээн олон хүн зовж байгааг харах үнэхээр гунигтай байна.
Хүн төрөлхтөн түүхээсээ сургамж авч, хүчирхийллийн хор уршгийг ойлгосон байх учиртай. Гэтэл ийм зөрчилдөөн үргэлжилсээр буй нь харамсалтай. Ийм нөхцөл байдалд хамгийн их хохирлыг гэмгүй хүмүүс амсдаг. Тэд айдас түгшүүртэй амьдрах, хөрөнгө санхүү, амьдралаа алдах, үргэлж тодорхойгүй байдлын сорилттой нүүр тулгарах зэрэг хүнд хэцүү нөхцөлд ордог.
Гэвч нэг энгийн үнэн хэвээр байна: бид бүгд зовохыг хүсдэггүй, зөвхөн аз жаргалтай байхыг хүсдэг. Хэрэв бид нэгнийхээ сайн сайхан нь бусдын сайн сайхнаас хамаардаг гэдгийг ухамсарлавал, хамгийн хүнд хэцүү зөрчилдөөнд ч энхийн шийдэл олох боломжтой. Гэхдээ үүний тулд бид харилцан яриа, хэлэлцээр хийх эрмэлзэлтэй байх хэрэгтэй.
Тиймээс би хүн төрөлхтөнд илүү энэрэнгүй, хүчирхийлэлгүй, амар амгалан дэлхийг бий болгохын төлөө хамтдаа хичээхийг уриалж байна.
Миний залбирал, ерөөл өргөн дэвшүүлье.
Далай лам
📅 2025 оны 3-р сарын 14
.avif)
