Чанаргүй зээлийн өрийн үлдэгдэл 8.4 хувиар буурчээ

Үндэсний статистикийн хорооноос 2024 оны арванхоёрдугаар сарын мөнгө, зээлийн статистикийн мэдээлэл гаргажээ. Үүнээс харахад чанаргүй зээлийн өрийн үлдэгдэл 2024 оны арванхоёрдугаар сарын эцэст өмнөх оноос 8.4 хувиар буурчээ. Мөн Mөнгөний нийлүүлэлт урьдчилсан гүйцэтгэлээр 43.3 их наяд төгрөг болж, өмнөх оноос  5.7 (15.2%) их наяд төгрөгөөр өсчээ. Үүнд төгрөгийн хадгаламж 4.9 (28.8%) их наяд төгрөгөөр, төгрөгийн харилцах 1.8(19.7%) их наяд төгрөгөөр өссөн нь нөлөөлжээ.

Төгрөгийн хадгаламж арванхоёрдугаар сарын эцэст 22.1 их наяд төгрөг болж, өмнөх сараас 989.1 (4.7%) тэрбум төгрөгөөр, өмнөх оноос 4.9(28.8%) их наяд төгрөгөөр өсжээ. Төгрөгийн хадгаламжийн 19.0 (86.1%)их наяд төгрөг нь иргэдийн хадгаламж, 3.1 (13.9%) их наяд төгрөг нь аж ахуйн нэгж, байгууллагын хадгаламж байна. Валютын хадгаламж 4.9 их наяд төгрөг болж, өмнөх сараас 325.1 (7.2%) тэрбум төгрөгөөр өсөж, өмнөх оноос 142.6 (2.9%) тэрбум төгрөгөөр буурчээ.