Холбооны Засгийн газрын бүтцийг багасгах Дональд Трампын шинэхэн бодлогын хүрээнд АНУ-ын Боловсролын яам ажилчдынхаа бараг тэн хагасыг цомхотгохоор төлөвлөж байгаагаа зарлалаа.
Шинэ журамд зааснаар яамны 2100 орчим ажилтан, албан хаагчийг энэ сарын 21 гэхэд ажлаас нь чөлөөлөхөөр болжээ.
Тус яам жилийн 238 тэрбум орчим ам.долларын төсөвтэй, нийт 4000 гаруй хүнийг ажлын байраар хангадаг юм. 1979 онд байгуулагдсан Америкийн Боловсролын яам улсын сургуулиудыг санхүүжүүлэхээс гадна орлого багатай айл өрхийн хүүхдүүдэд туслах, оюутны зээл хөнгөлөх зэрэг олон арван хөтөлбөр хэрэгжүүлдэг. Харин шат шатны боловсролын байгууллагуудыг хянах, үйл ажиллагаанд нь дэг журам тогтоох ажлыг орон нутгийн захиргаа хариуцдаг байна.
Трамп Боловсролын яамыг бүр татан буулгахаар ярьж байсан ч удаатай.
Гэхдээ ийм асуудлыг Ерөнхийлөгч дангаараа шийдэхгүй бөгөөд заавал Конгрессоор батлуулах хэрэгтэй юм.
Галлерэй:
Зураг олдсонгүй.
.avif)
