Данийн төрийн өмчит ПостНорд компани энэ оны эцэс гэхэд цаасан захидал хүлээн авах, хүргэх үйлчилгээгээ зогсоохоор болсноо зарлалаа. Ингэснээр 400 жилийн түүхтэй үйлчилгээ зогсож байгаа нь энэ гэнэ. Энэ зууны эхэн үетэй харьцуулахад цаасан захидал, шуудангийн хувь хэмжээ сүүлийн хэдэн жилд бараг 90 хувиар буурчээ. Данийн газар сайгүй байх нийт 1500 гаруй шуудангийн хайрцгийг энэ зургаадугаар сарын эхнээс эхлэн нүүлгэн шилжүүлж, хурааж эхлэх аж. Энэхүү өөрчлөлтөөс шалтгаалж ПостНорд компанийн 4600 ажилтны 1500 орчмыг нь мөн цомхотгох болжээ.
Цаасан захидлын эрэлт, хэрэглээ буурсан нь Европын олон зууны түүхтэй компаниудад ихээхэн хүнд тусаж байна. Өчигдөрхөн гэхэд Германы Төв шуудангийн газар захидал, шуудангийн үйлчилгээнээсээ 8000 орчим ажилтан цомхотгож буйгаа зарласан юм.
.avif)
