Хаврын хуурайшилт эхэлж, ой хээрийн түймэр гарах нь эрс нэмэгдэж байгаатай холбогдуулан ОБЕГ-аас мэдээлэл хийлээ. ОБЕГ-ын Гал түймэртэй тэмцэх газрын дарга, хурандаа Ц.Нямбаяр “Өнөөдрийн байдлаар Сүхбаатар аймгийн Эрдэнэцагаан, Асгат сумын нутагт гарсан түймрийг цурамд оруулж, бүрэн унтраахаар тус аймгийн Онцгой байдлын албаныхан болон Хил хамгаалах ангийнхан ажиллаж байна. Өчигдрийн байдлаар бүртгэгдсэн бусад түймрийг бүрэн унтраасан. Унтраасны дараа Засгийн газраас хохирлыг тогтоохоор ажиллаж байна. Өчигдөр гарсан түймрийн улмаас 170 орчим га талбай түймэрт өртсөн. Мөн урьдчилсан байдлаар 38 гэр, дөрвөн чингэлэг, хоёр мотоцикл, дөрвөн автомашин, 48 хашаа, саравч шатсан байна.
Түүнчлэн 3706 бог, 48 бод, 3500 орчим боодол өвс шатсан” гэлээ.
Хуурайшилт ихтэй, эрсдэл өндөр газар нутгуудад ой, хээрийн түймрээс сэргийлэх ажлыг зохион байгуулсаар буй ч түймэр гарах нь тасрахгүй байгааг дурдав. Түүнчлэн хаврын хуурайшилтай улиралд иргэд хээр, хөдөө зорчихдоо галын аюулгүй байдлыг хангаж ажиллахыг анхаарууллаа.
.avif)
.avif)
