Шадар сайд С.Амарсайхан өгсөн чиглэл, үүргийн дагуу Стандарт, хэмжил зүйн газраас 21 аймгийн СХЗХ-үүдэд тухайн аймагт түүхий махны хяналт шалгалтыг хийх чиглэл өгсөн. Тэгвэл энэхүү ажлыг Мал эмнэлгийн газартай хамтран аймгийн төвд үйл ажиллагаа эрхлэгч худалдааны төвүүдэд хийжээ.
Аймгийн иргэдийн хүнсний хэрэгцээнд нийлүүлж буй махны чанар, аюулгүй байдалд хяналт шалгалт хийж, илэрсэн зөрчлийг арилгуулах, үүсч болзошгүй эрсдэлээс урьдчилан сэргийлсэн байна. Мөн махны худалдаа эрхлэгчид болон худалдааны төвийн дэргэдэх хяналтын лабораториудыг хяналт шалгалтад хамруулжээ.
Бөөнөөр болон жижиглэнгээр худалдаалж буй мал, амьтны гаралтай түүхий махнаас дээж авч итгэмжлэгдсэн лабораторийн магадлан шинжилгээнд хамруулж, худалдаанд ашиглаж буй жин хэмжүүрийн баталгаажуулалт, ашиглалт, хэмжил зүйн үзүүлэлтүүдийг эталон хэмжүүр ашиглан газар дээр нь шалгаж, зөвлөмж өгч ажилласан байна.
.avif)
.avif)