Суданы Иргэний дайны хөлд 12 сая орчим хүүхэд, эмэгтэйчүүд бэлгийн хүчирхийлэлд өртөх эрсдэлд байна, дайтагч талуудын хэн хэн нь бэлгийн хүчирхийллийг дайны зэвсэг болгон ашиглаж байна гэж НҮБ-ын Аюулгүйн зөвлөлөөс мэдэгдлээ.
Албаныхны тооцоогоор сүүлийн жил гаруйн хугацаанд бэлгийн гэмт хэрэг бараг 80 хувиар нэмэгджээ.
Суданы есөн мужийн нутагт өнгөрсөн онд нийт 221 бэлгийн гэмт хэрэг бүртгэгдсэний 20-д нь таваас доош насны хүүхэд хохирогч болсон гэсэн аймшигт мэдээ байна. Мөн бага насны 16 сая хүүхэд өлсгөлөнд нэрвэгдэх аюулд байна, ганц хүмүүнлэгийн тусламжаас амь амьдрал нь шалтгаалж байна гэж НҮБ-аас анхааруулжээ.
Суданы Зэвсэгт хүчин болон босогчдын RSF хөдөлгөөний хоорондох зэвсэгт мөргөлдөөн 2023 оны дөрөвдүгээр сард эхэлж, улам бүр даамжирсаар Иргэний дайн болон хурцдаад байгаа юм. Одоогоор 12 сая гаруй хүн орон гэрээсээ дайжиж, хэдэн арван мянган хүн амь үрэгдээд байна.
.avif)
