УИХ-ын сонгуулийн тухай хуулийн 41 дүгээр зүйлийн 41.9 дэх хэсэгт “УИХ-ын гишүүн сонгуульд нэр дэвшихээр бол хийсэн ажлын тайлангаа энэ хуульд заасан нэр дэвшүүлэх ажиллагаа эхлэхээс өмнө тарааж болох бөгөөд үүнийг сонгуулийн сурталчилгааны материалд тооцохгүй”, мөн хуулийн 44 дүгээр зүйлийн 44.6 дахь хэсэгт “Энэ хуульд заасан нэр дэвшүүлэх ажиллагаа эхлэхээс өмнө УИХ-ын гишүүн хийсэн ажлын тайлангаа танилцуулах зорилгоор сонгогчидтой хийсэн уулзалт болон энэ хуулиар хориглоогүй арга хэмжээ нь сонгогчдын санал татах зорилгоор явуулж байгаа үйл ажиллагаанд хамаарахгүй” гэж заасан нь Үндсэн хуулийн холбогдох заалтуудыг зөрчсөн гэж үзэж Цэцээс түдгэлзүүлсэн. Улмаар уг дүгнэлтийг УИХ хүлээн зөвшөөрөөд буй. Нэгэнт Цэцийн дүгнэлтийг парламент хүлээн зөвшөөрсөн бол ажлын 15 өдрийн дотор тухайн болон холбогдох бусад хууль, шийдвэрт зохих нэмэлт, өөрчлөлт оруулах ёстой. Үүний дагуу УИХ-ын Төрийн байгуулалтын байнгын хорооноос өнөөдөр ажлын хэсэг байгуулж, УИХ-ын сонгуулийн тухай хуульд нэмэлт, өөрчлөлт оруулах төсөл боловсруулахаар болов. Уг ажлын хэсгийг гишүүн Ц.Сандаг-Очир ахалж, гишүүн Б.Батбаатар, О.Номинчимэг, Г.Уянгахишиг, Ө.Шижир нар бүрэлдэхүүнд нь баталлаа.
.avif)
.avif)
