УИХ-ын дарга Д.Амарбаясгаланд өнөөдөр (2024.12.02) Сангийн сайд Б.Жавхлан Төсвийн тухай хуульд нэмэлт оруулах тухай төслийг өргөн барилаа. Тус хуулийн төслийг УИХ-ын чуулганы хуралдааны дэгийн тухай хуулийн 33.1 дэх хэсэгт заасны дагуу яаралтай хэлэлцүүлэхээр Засгийн газраас өргөн мэдүүлэв. Ерөнхийлөгч Монгол Улсын 2025 оны төсвийн тухай хууль болон хамт өргөн мэдүүлж, баталсан хууль тогтоомжид бүхэлд нь хориг тавьсныг УИХ хүлээн авсан. Улмаар ирэх оны төсвийн тухай хууль болон хамт баталсан хууль тогтоомжийг хүчингүй болгосон ба үүнтэй холбогдуулан Хууль, тогтоол хүчингүй болсонтой холбогдуулан авах арга хэмжээний тухай тогтоол баталсан. Уг тогтоолоор Монгол Улсын 2025 оны төсвийн төслийг 2024 оны 12 дугаар сарын 10-ны дотор УИХ-д өргөн мэдүүлэхийг Засгийн газарт даалгасан юм. Төсвийн тухай хуулийн наймдугаар зүйлийн 8.4 дэх хэсэгт заасан төсвийн цаглаврын дагуу жилийн төсвийн төслийг Засгийн газар есдүгээр сарын 1-ний өдрийн дотор УИХ-д өргөн мэдүүлэх, УИХ жилийн төсвийн төслийг арваннэгдүгээр сарын 15-ны өдрийн дотор батлахаар тус тус заасан. Иймд Төсвийн тухай хуульд “Төсвийн төслийг дахин мэдүүлж, батлах” гэсэн 321 дүгээр зүйлийг нэмж тусгахаар хуулийн төслийг боловсруулжээ.
.avif)
.avif)
