Сөрөг хүчнээс жагсаалтаар УИХ-д суусан Ц.Мөнхтуяа гишүүнтэй ёс зүйн хариуцлага тооцож, эргүүлэн татахыг олон нийт шаардаад эхэллээ. Тэрээр өөрийн албан ёсны цахим хуудастаа ёс зүйгүй үг, үйлдэл гаргаснаас гадна ард түмний хандивын мөнгийг хувьдаа завшсан зэрэг мэдээлэл гараад байгаа юм. Тодруулбал, Миний мууг үзэж байгаад зарим нь шоронд зарим нэг нь шороонд булагдсан даа гэж бичсэн нь олон нийтийн шүүмжлэлд өртөөд байна. Мөн дөрвөн өнчин хүүхдэд хандивын мөнгөөр орон сууц авч өгөхдөө өөрсдийнх нь нэр дээр шилжүүлж өгөөгүйгээс гадна байрнаас нь гаргана гэж дарамталсан гэх мэдээллийг тухайн үед хамт ажиллаж байсан иргэн мэдээлсэн юм.
Тэгвэл олон нийт эргүүлэн татахыг шаардаж хүчтэй шүүмжлээд буй УИХ-ын Ц.Мөнхтуяа боловсролын салбарын төлөөлөл болж АН-ын жагсаалтын 48-ын 16-д бичигдсэнээр УИХ-ын сонгуулийн үр дүнгээр парламентын гишүүн болоод буй. Тухайн үед сөрөг хүчний Улс төрийн бодлогын зөвлөлийн гаргасан жагсаалтад Ц.Мөнхтуяагийн ард Ерөнхий сайд асан Р.Амаржаргал, хүний эрхийн хуульч Х.Номингэрэл, П.Нүрзэд нарт бичигдэж байв.
Галлерэй:
Зураг олдсонгүй.
.avif)
.avif)
