Хамтарсан Засгийн газрын 14 Мега төслийн нэгдүгээрт эрэмбэлэгдсэн Гашуунсухайт-Ганцмод боомтын хил дамнасан төмөр зам, нүүрсний экспортыг нэмэгдүүлэх Монгол Улс, БНХАУ Засгийн газар хоорондын хэлэлцээрийг соёрхон батлах тухай хуулийн төслийг хаврын чуулганы нээлтийн өдөр УИХ-д өргөн барьсан. УИХ соёрхон баталвал бүтээн байгуулалтын тендерийг энэ 3 сард зарлаж, 2027 ондоо багтаан дуусгахаар төлөвлөөд буй.
Тэгвэл МАН-ын бүлгийн өнөөдрийн хуралдаанаар Гашуунсухайт-Ганцмод боомтын хил холболтын хэлэлцээрийг 100 хувийн саналаар дэмжжээ.
Монгол Улсын Ерөнхий сайд Л.Оюун-Эрдэнэ урд хөршид айлчлахдаа Гашуунсухайт-Ганцмод боомтын хил дамнасан төмөр замыг холбох Монгол Улсын Засгийн газар, БНХАУ-ын Засгийн газар хоорондын хэлэлцээрт талууд гарын үсэг зурсан.
Монгол Улсын Засгийн газар хөгжлийн 14 мега төслийн нэгдүгээрт эрэмбэлэгдсэн Гашуунсухайт-Ганцмод боомтын хил дамнасан төмөр зам нь Монгол Улс, БНХАУ-ын хооронд 1955 оны хэлэлцээрээр байгуулсан Замын-Үүд, Эрээн төмөр замаас хойш хийгдэж буй хоёр дахь холболтын төмөр зам болж байна. Мөн энэхүү төмөр зам ашиглалтад орсноор Монгол Улсын боомтын хүчин чадал хоёр дахин нэмэгдэж, нүүрсний экспорт жилд дунджаар 83 сая тонн байгаагаас 165 саяд хүрч, нүүрс борлуулалтын орлого жилд 1.5 тэрбум ам.доллараар нэмэгдэнэ гэж тооцоолж буй юм.
.avif)
.avif)
