Шадар сайд С.Амарсайханы ажлын алба, УИХ-ын гишүүн, Стандартын хууль эрх зүйн орчныг сайжруулах ажлын хэсгийн дарга О.Батнайрамдал, Стандарт, хэмжил зүйн газар хамтран Стандартчилал, техникийн зохицуулалт, тохирлын үнэлгээний итгэмжлэлийн тухай хуулийн төслийг УИХ-д өргөн мэдүүлэхтэй холбоотойгоор “Барилгын салбарын стандартын хэрэгжилт ба эрх зүйн орчин" сэдэвт урьдчилсан хэлэлцүүлгийг Төрийн ордонд зохион байгууллаа. Хэлэлцүүлгээр Барилгын ерөнхий хуулийн төсөлд барилга, байгууламжийн норм, нормативын баримт бичгийн талаар тусгагдсан байдал, хотын стандарт, түүний хэрэгжилт, барилгын салбарын тохирлын үнэлгээний итгэмжлэл, өнөөгийн байдал, тулгамдсан асуудлын талаар салбарын мэргэжилтнүүд ярилцав. Мөн энэ өдөр эрүүл мэндийн салбарын стандартын хэрэгжилт ба эрх зүйн орчны талаар хэлэлцүүлэг өрнүүлсэн юм. Харин маргааш буюу энэ сарын 20-нд байгаль, орчин, хүнсний салбарын стандартын хэрэгжилт ба эрх зүйн орчин сэдвийн хүрээнд хэлэлцүүлэгтэй. Түүнчлэн энэ сарын 21-нд “Стандартын хэрэгжилт ба эрх зүйн орчин" нэгдсэн хуралдаан Төрийн ордны Их танхимд болох юм.
.avif)
.avif)
