“Болор цом”-ын эзэн яруу найрагч С.Начин яруу найргийн шинэ түүврээ хэвлүүлжээ. Англи, монгол хэлээр хоёр талаас нь унших боломжтой эл түүврээ “Цаг хугацааны хээ” хэмээн нэрлэсэн агаад өмнөтгөл үгийг нь МЗЭ-ийн шагналт зохиолч Б.Золбаяр бичсэн байна. Тэрбээр “С.Начингийн “Цаг хугацааны хээг” эргүүлтэл ийм нэг мөр тохиолдож байна. Бүх сайн сайхны, ариун гэгээний дотроос хамгийн сайхан нь итгэл юм. Нар мандах жаргахын хөдөлбөргүй үнэн шиг бүх зүйлд, хэзээд итгэх үзэл санаа бол жинхэнэ нот оюун санаатны, магадгүй, хамгийн том яруу найрагчийн л үйлдэн бодож, итгэн жаргах дээд хүчээр сэтгэгдэнэ. Итгэж, хэзээд итгэлдээ жаргаж чадах, түүнийг даянд уриалж сэнхрэх үнэмшлийн халдвар ямагт гэрэлтэгч оршихуйг л бүтээнэ. Сайхан зүйлийн бодитоос цааш эрэгдэж, оюун бодол, тархин долгионд үүсэх, үл үзэгдэх чин ялгуун мэдрэмж л жинхэнэ гоо сайхан. Тийм гоо сайханд цаламдаатай чинад долгионы үүтгэл л мөнхүү итгэнэ гэдэг хэзээд сайхан байдаг даа хэмээх энгийн агаад хосгүй мөрийг бичүүлж байгаад эргэлзээ нь үгүй” хэмээн өмнөтгөлдөө өгүүлжээ.
.avif)
.avif)