Ази, Номхон далайн орнуудын дунд жил бүр зохиогддог “Predator League” цахим спортын тэмцээний Монгол дахь шалгаруулалт энэ сарын 2-9-ний өдрүүдэд боллоо.
Тус тэмцээнд нийт 32 баг оролцсоноос “ЯЧЁ123” баг шилдгээр тодорч 4000 ам.долларын шагнал, “Predator League-2025”-д Монгол Улсаа төлөөлөн оролцох эрх хүртлээ.
Харин тэмцээний хоёрдугаар байрт "Bobby" баг шалгарч 2,000 ам.доллар, гуравдугаар байрт "RBB Gaming баг" шалгарч 1,000 ам.доллароор тус тус шагнуулсан юм.
Түрүү багийн оролцох “Predator League-2025" тэмцээнд Ази, Номхон далайн орнуудын шилдэг багууд Dota2 болон Volarant төрлөөр оролцож, 400 мянган ам.долларын төлөө өрсөлдөх юм.
“Predator League-2025”-д оролцох бүх зардлыг “Acer” брэнд бүрэн хариуцна. Учир нь энэхүү тэмцээнийг “Acer” компани 2018 оноос хойш жил бүр зохион байгуулж ирсэн уламжлалтай. Тэмцээн өмнө нь Индонез, Тайланд, Япон улсад болж байсан бол энэ удаа Малайз улсын Куалалумпур хотноо 2025 оны нэгдүгээр сард болох юм. Манай улсын баг тамирчид “Predator League”-д 2019 оноос эхлэн тасралтгүй оролцож байна. Энэ хугацаанд “Team IMG” баг Dota2 Asia бүсийн тоглолтод хоёрдугаар байрт шалгарч байв. Харин өнгөрсөн жил “IHC Esports” баг эх орноо төлөөлөн “Predator League”-т амжилттай оролцсон.
Сонирхуулахад, “Acer” брэнд нь1976 онд байгуулагдсан. Тус брэнд нь амьдралын чанарыг сайжруулахад туслах компьютер тоног төхөөрөмж, программ хангамж болон түүнтэй холбоотой үйлчилгээнүүдийг олон жилийн судалгаа шинжилгээнд үндэслэн бүтээж, хэрэглэгчдэдээ хүргэдэг гэдгээрээ онцлог. “Acer” нь компьютер, дэлгэц, проектор, сервер, таблет, ухаалаг утас болон ухаалаг төхөөрөмжүүдийг үйлдвэрлэдэг. Мөн тэдгээртэй холбоотой үүлэн технологид суурилсан шийдлүүдийг хүргэдэг.
Цахим спортыг дэмжигч “Acer” брэндийн “Predator” болон “Nitro” цувралууд тоглоомын зөөврийн болон суурин компьютерын зах зээлд тун алдартай. Хүчирхэг техникийн үзүүлэлт, дэвшилтэт хөргөлтийн систем, шаардлагатай функцүүд багтсан нь тоглоом тоглох, контент бүтээх болон бусад хүнд хэцүү ажлуудыг ямар ч асуудалгүй гүйцэтгэх боломжийг олгодог.
Компьютерын зах зээлд тэргүүлэгчдийн нэг болсон “Acer” брэнд өдгөө дэлхийн 160 оронд 7000 гаруй чадварлаг ажилтнуудаар багаа бүрдүүлжээ. “Acer” компанийн тухай дэлгэрэнгүй мэдээлэл авахыг хүсвэл www.acer.com вэбсайтад хандаарай.
.jpg)
