.jpg)
Нидерландын хааны нэрэмжит Орчин үеийн уран зургийн шагналын шалгаруулалтын шилдэг 15-д монгол зураач А.Гэгээ тунаж үлджээ. Тус улсад уран бүтээлээ туурвиж буй авьяаслаг, залуу зураачдыг дэмжих зорилготой эл шагналыг 1871 онд III Виллиам хаан “Уран зургийн төлөөх хааны тэтгэлэг” нэрээр анх олгож эхэлсэн учраас эртний бөгөөд хүндтэйд тооцогддог. Хаан Виллиам Александр энэ сарын 31-нд ордондоо гурван оролцогчид шагналаа гардуулснаар шилдэг 15 зураачийн уран бүтээлээс бүрдсэн үзэсгэлэнг албан ёсоор нээх агаад гуравдугаар сарын 30 хүртэл үргэлжлэх юм.
Энэ жилийн шалгаруулалтад 379 зураач 1000 орчим бүтээлээ өрсөлдүүлснээс шилдэг 15-д Ази тивээс нэг л төлөөлөл багтсан нь А.Гэгээ аж. Тэрбээр зохиолч, яруу найрагч Г.Аюурзана, Л.Өлзийтөгс нарын охин бөгөөд өнгөрсөн онд Парис, Лондон хотод үзэсгэлэнгээ гаргасан юм. А.Гэгээ нь Нидерландын Дүрслэх урлагийн сургуулийг зураач мэргэжлээр төгсжээ.
.avif)
.avif)