БНХАУ-ын Харбин хотод Азийн өвлийн спортын IX наадам хоёрдугаар сарын 7-14-нд болно. Энэхүү тэмцээнд 34 орны 1275 тамирчин 11 спортын 64 төрөлд өрсөлдөх билээ. Тус наадам хөшгөө нээхэд дөрвөн хоног үлдээд буй. Наадмын маскот буюу бэлгэ тэмдэг “Бинбин”, “Нини” нь Харбины барын хүрээлэнд 2023 оны есдүгээр сард мэндэлсэн Сибирийн барын зулзага бөгөөд Хятад улсын өргөн уудам нутаг болон Харбин хотноо тавтай морилохыг илтгэх аж. Азийн өвлийн наадмын медалийн нүүрэн хэсэгт мөсөн зам дээр уян хатнаар гулгаж буй өвлийн спортын тамирчныг Азийн өвлийн наадмын эмблемийн хамт дүрсэлсэн байна. Харин медалийн ар талд Харбин хотын үзэсгэлэнт байгалийг дүрсэлжээ. Эдгээрийг дэлхийн өнцөг булан бүрээс 4608 хүний илгээсэн 3518 уриа үг, 760 эмблем, 330 бэлгэдлийн загвараас сонгон шалгаруулсан байна.
.avif)
.avif)