Зүүн Хүрээ Дашчойлин Хийдээс өөрийн гар, оюун, сэтгэлээр балингаа бүтээж, бүтэн жилийн турш Бурхандаа өргөх жилийн балин “Шалсай буюу нигуурын идээ”-г хийж сурах сургалт зарлажээ.
Бурхан шүтээндээ зориулан хүндэтгэн өргөж буй идээг балин гэдэг. Балин хийх урлал нь бурханы шашны их таван ухааны урлахуйн ухаанд хамаарагддаг, их ур дүй шаарддаг тусгай урлаг аж. Жилийн балин гэдэг нь тухайн хийдэд ямар бурхан, шүтээн байна, түүнийгээ тахиж баясгаж, идээ ундааныхаа дээжийг өргөж байгаа гэсэн хүндэтгэл бөгөөд балинг өвлийн адаг сарын шинийн 1-25-ныг хүртэл хугацаанд хийж бэлтгэдэг байна.
Сургалтаар бурхан урлаач ламын удирдлага дор балин урлах, тахих дэг, ёс, учир шалтгааныг танин мэдэхэд суралцах юм байна. Улмаар хамгийн энгийн балин шалсай хийхэд суралцаж, өөрсдөө гэртээ балингаа урлаж авч явах боломжтой аж.
Холбоо барих: 99065532
.avif)
.avif)