“Өвгөн” станцуудын тамир тасарч, их хотыг дулаацуулах зүтгүүрүүд зогсохдоо тулжээ

олон жил гаднаа гяланцаг мэт харагдаж “гал” унтрааж ирсэн эрчим хүчний салбар энэ удаад тартагтаа тулж, тамир тэнхээ нь тасрахад нэгэнт бэлэн болжээ. Өөрөөр хэлбэл, өвлийг “аргалж” давах аргагүй болсныг өвгөрч муудсан, өр зээлэндээ идэгдсэн, эрэг шураг нь элэгдэж ганхсан, эргэж сэргэхэд бэрх болсон дулааны станцууд, өдөрт хэдэн арваараа ажлаасаа халширч, аюул эрсдлээс зугтаж буй инженер техникийн ажилчдын үнэлэмж, үнэн төрх хэлээд өгч байна. Үндсэндээ нийслэлчүүдийг дулаацуулах зүтгүүрүүд зогсохдоо тулжээ.