АНУ-ын Ерөнхийлөгч Дональд Трамп ОХУ-ын Ерөнхийлөгч Владимир Путинтэй утсаар ярьсан нь ихээхэн үр дүнтэй байж, Украины дайныг эцэслэх яриа хэлэлцээрийг даруйхан эхлүүлэхээр тохиролцлоо хэмээн мэдэгдлээ. Тэрээр Truth Social нэртэй платформ дээр оруулсан постондоо хоёр орны төрийн тэргүүн нар харилцан дээд хэмжээний айлчлал хийхээр хүртэл төлөвлөсөн гэжээ. Трамп Путинтэй ярилцсаныхаа дараа Украины Ерөнхийлөгч Володимир Зеленськийтэй мөн утсаар ярьсан гэнэ. Зеленський энэ баасан гарагт Америкийн Дэд ерөнхийлөгч Ж.Д.Вэнс, Төрийн нарийн бичгийн дарга Марко Рубиотой Мюнхен хотод уулзах юм.
Трамп Путинтэй хэзээ нүүр тулан уулзахаа одоогоор зарлаагүй боловч Цагаан ордонд сэтгүүлчидтэй уулзах үеэрээ “Саудын Арабт уулзахаар төлөвлөж байгаа” гэжээ.
Галлерэй:
Зураг олдсонгүй.
.avif)
