Энэтхэгийн эдийн засаг худалдан авагчдын чадвараар нь дүгнэвэл Мексик улсынхтай дүйж байна гэсэн тооцоог “Blume Ventures” нэртэй судалгааны байгууллагаас гаргажээ. Тус улсын хүн ам хэдий 1.4 тэрбум боловч 130-140 саяд нь л зах зээлд эргэлдүүлэх бэлэн мөнгө байна, харин 300 сая орчим нь дөнгөж дундаж давхаргад хөл тавьж, хөрөнгө мөнгөө зарцуулж эхэлж байна гэж уг судалгаанд дурджээ.
Энэтхэгийн эдийн засаг Азидаа гуравт ордог боловч хөрөнгө чинээтэй хүмүүсийнх нь тоо өсөхийн оронд баячуудынх нь хөрөнгийн хэмжээ нэмэгдэж, дундаж болон доод давхаргынхан нь үндсэндээ илэрхий ахиц дэвшилгүй байсаар байгаа нь хэрэглээний зах зээл нь тэлэхгүй байгаад хамгийн их нөлөөлж байгаа гэнэ. Өөрөөр хэлбэл тус улсад баян, ядуугийн ялгаа улам бүр газар авах төлөвтэй байна. Хүн амын 10 хувийг эзлэх хамгийн баян чинээлэг энэтхэгчүүд үндэсний нийт орлогын 57.7 хувийг эзэмшиж байгаа аж. Энэ тоо 1990 онд 34 хувь байжээ. Харин үлдсэн иргэдийнх нь энэ хугацаанд эзэмшиж байсан үндэсний нийт орлогын хувь нь 22.2-оос 15 хувь болон буурсан байна.
.avif)
