Тайландын Боловсролын яамнаас бүтэн 50 жил хэрэгжүүлсэн сурагчдын үсний засалтыг хянах тухай журмыг тус улсын Дээд шүүх цуцалснаа зарлажээ. Тус улсын Ерөнхий боловсролын сургуулийн сурагчид хөвгүүд халимаг засалттай байна; охид мөр давсан үсээ хоёр салаа сүлжинэ, урдуураа үс тайрлаа гэхэд тэр нь чихэнд заавал хүрч байх, үсээ задгайлахгүй байх гэсэн журмыг мөрдөж ирсэн байна. Харин 1975 онд цэргийн дарангуйллын үед батлагдсан уг дүрэм журмыг Үндсэн хууль зөрчсөн гэж Дээд шүүх үзжээ. Мөн үндэслэл нь орчин цагийн нийгэм дэх хэм хэмжээтэй тохирохгүй гэж дүгнэсэн аж.
Тайландын сургуулиудад энэхүү журмыг бага багаар халж, хатуу хариуцлага тооцох нь цөөрсөн ч хуулийн өөрчлөлт огт хийгдэлгүй өдийг хүрсэн байна. Улсын нийт 23 сургуулийн захиргаа хамтран 2020 онд албан ёсоор шүүхэд өргөдөл гаргаснаар хуулийг өөрчлөх үйл явц эхэлжээ.
.avif)
