Пакистаны зүүн өмнөдийн Равалпинди хотод болсон энэ хэрэг сая сая хүнийг хилэгнүүлж, хэдэн мянган пакистанчуудыг хүүхдийн эрхийн төлөө тэмцэж босоход хүргээд байна. Талийгаач охиныг гэртээ үйлчлэгчээр ажиллуулж байсан эхнэр, нөхөр хоёрыг цагдаа нар баривчилсан бөгөөд эхний байдлаар охиныг удаа дараа зодож, сүүлдээ бүр тамлаан тарчлаасан нь илрээд байгаа аж. Өнгөрсөн лхагва гарагт амиа алдсан Икра охин аавынхаа өр зээлийг даралцахаар найман настайгаасаа гэрийн үйлчлэгч хийсэн гэсэн мэдээ байна. Харин амийг нь хөнөөсөн хосынд хоёр жилийн өмнөөс сарын 28 ам.долларын хөлс аван ажиллаж, найман хүүхдийг нь асарч халамжлахаас гадна гэрийн хамаг л ажлыг нь хийдэг байжээ. Охиныг зодож занчсанаа хүлээсэн эхнэр, нөхөр хоёрын мэдүүлснээр охин гэрээс нь хэд хэдэн удаа шоколад хулгайлж байгаад баригдсан гэнэ.
Пакистаны хуулиар 15 нас хүрээгүй хүүхдийг гэрийн үйлчлэгчээр ажиллуулахыг хориглодог юм. Энэ мэт хэрэг өмнө нь нэг бус гарч байсан ч хохирогч тал асуудлыг шүүхээс гадуур шийдэх нь, гэмт хэрэгтэн ял сонсолгүй өнгөрөх нь тус улсад элбэг байдаг байна.
.avif)
