Палестины тусгаар улсыг Саудын Арабын нутагт байгуулж болох юм гэсэн мэдэгдэл хийсэн Изриалийн Ерөнхий сайд Биньямин Нэтаньяхугийн саналыг Саудын Арабын Гадаад хэргийн яамнаас эрс эсэргүүцэн шүүмжилжээ. Израилийн Засгийн газар хэзээ ч биеллээ олохгүй нь тодорхой энэ мэт мэдэгдлээрээ Газын зурваст явуулж байгаа элдэв гэмт хэргээ нуун дарагдуулах, олныг анхаарлыг өөр зүгт хандуулах муу арга хэрэглэж байна гэж Саудын албаныхан онцолсон байна.
Нэтаньяху хэд хоногийн өмнө Израилийн Channel 14 сувагт өгсөн ярилцлагадаа “Саудууд асар уудам газар нутагтай. Хүсвэл Палестины тусгаар улсыг нутаг дэвсгэртээ байгуулж болно шүү дээ” гэж хэлсэн нь Саудын Арабаас гадна Арабын олон орны дургүйцлийг хүргээд байна.
Саудын Арабын Гадаад хэргийн яамны дээрх мэдэгдэлд ч, Арабын зургаан орныг эгнээндээ нэгтгэсэн Булангийн орнуудын хамтын ажиллагааны зөвлөлөөс гаргасан мэдэгдэлд ч Палестины нутаг дэвсгэр зөвхөн палестин хүмүүсийн өмч гэдгийг онцлоод палестинчуудыг нутаг орноос нь албадан шилжүүлэх гэсэн ямар ч үйлдлийг “угсаатны цэвэрлэгээ”, “хоморголон устгал” гэж үзэх болно гэдгийг хатуу анхааруулжээ.
.avif)
