Бүрэн эрхийг нь түдгэлзүүлж, баривчлаад байгаа Өмнөд Солонгосын Ерөнхийлөгч Юн Сүк Ёльд тус улсын албаныхан албан ёсоор үймээн самуун өдөөхийг завдсан хэмээн хавтаст хэрэг үүсгэжээ. Тэрээр өнгөрсөн арванхоёрдугаар сард улс орондоо цэргийн онц байдал тогтоохыг завдаж, Өмнөд Солонгосын түүхэн дэх бүрэн эрх нь дуусаагүй байхдаа хэрэгт татагдсан анхны төрийн тэргүүн болсон билээ.
Сөүл хотын шүүхээс төлөвлөсөн ял болоод баривчилгааг хүчинтэй гэж үзсэн журмын хугацаа ийнхүү дуусгавар болж байгаа юм. Тиймээс прокурорын газраас түүнийг түр суллах, эсвэл саатуулсан хэвээр байх эсэх шийдвэрийг шинээр гаргана. Мөн Өмнөд Солонгосын парламент Ерөнхийлөгчийн бүрэн эрхийг хэдий түдгэлзүүлсэн ч Үндсэн хуулийн цэц албан ёсоор огцруулах эсэх асуудлыг нь дөнгөж хэлэлцэж эхлээд байна. Түүний бүрэн эрхийг өнгөрсөн сарын 14-ний өдөр түдгэлзүүлсэн юм. Юн Сүк Ёльд ийнхүү хэрэг үүсгэснээр огцруулах эсэх асуудлыг нь даруйхан шийдвэрлэнэ гэж ажиглагчид үзэж байна. Хэрэв түүнийг Үндсэн хуулийн цэцийн шийдвэрээр албан ёсоор огцруулбал Ерөнхийлөгчийн ээлжит бус сонгууль 60 хоногийн дотор болох юм.
.avif)
