Өмнөд Солонгосын албаныхан өнгөрсөн сарын 29-нд болсон онгоцны ослын улмаас онгоцны нийт долоон буудлын буух зурвас дахь байршил заагч байрлуулахад зориулагдсан бетонон ханыг буулгах шийдвэр гаргажээ. Муан онгоцны буудалд газардсан даруйдаа буух зурвасын захад байсан шороон овоолго бүхий ханыг мөргөж, тэр дороо галд авалцан сүйдсэн онгоцны ослоор 179 хүн амь үрэгдэж, хоёр хүн аврагдсан бөгөөд энэ нь Өмнөд Солонгосын түүхэн дэх хамгийн олон хүний аминд хүрсэн онгоцны осол болсон юм.
Jeju Air компанийн дээрх онгоцны зорчигчдын дийлэнх нь Зул сарын амралтаа Тайландад өнгөрүүлчхээд гэртээ харьж явсан солонгосчууд байсан билээ. Онгоц ослын буулт хийхдээ элгээрээ амжилттай газардсан. Харин буух зурвасын захад хана байгаагүй бол олон арван хүн амь аврагдах байсан гэж шинжээчид эхний байдлаар дүгнээд байгаа юм. Гэхдээ Өмнөд Солонгосын албаныхан дээрхтэй адил хана, хашилт хууль журмын дагуу нутгийн хаа сайгүй бий, хилийн чанадад ч олон байдаг гэж мэдэгдсээр байна. Харин 2024 эхээр хийсэн шинжээчдийн нэгэн дүн мэдээнд Муаны онгоцны буудлын байршил заагч байрлах хаалт, хашилт зурвасын төгсгөлтэй дэндүү ойр байгааг холбогдох албаныханд анхааруулсан байжээ.
.avif)
