Америкийн Ерөнхийлөгч Дональд Трампын тарифын бодлогоос болж дэлхийн санхүүгийн зах зээл Ковидын цар тахлын үеэс хойш байгаагаагүйгээрээ савлаж, хямрах эрсдэлд ороод байна. Цагаан ордны тэргүүний импортын бүтээгдэхүүнд доод тал нь 10 хувийн тарифын нэмэгдэл ногдуулах шинэ хууль өнөөдрөөс журам Америкийн тэнгисийн боомт, нисэх онгоцны буудал, гаалийн агуулах зэрэг газруудад хэрэгжиж эхэлсэн бол бусад шинэ хууль журам нь ирэх долоо хоногоос хэрэгжихээр болжээ.
Эл өөрчлөлтөөс болж дэлхийн хувьцааны зах зээлээс өчигдөр гэхэд таван их наяд ам.доллар арчигдсан байна. Энэ нь хоёр өдөр дараалан их хэмжээний алдагдал хүлээсэн, зардал гарсан үзүүлэлтээр хувьцааны зах зээлийн түүхэнд рекорд тогтоожээ.
Трампын “суурь 10” гэгдсэн тарифын шинэ нэмэгдлийн журамд хамгийн түрүүнд өртсөн орнуудын тоонд Австрали, Их Британи, Колумб, Аргентин, Египет, Саудын Араб бичигдэж байгаа аж. Харин ирэх долоо хоногоос хэрэгжих шинэ тарифын хуулиар Европын холбооны импортын бараа бүтээгдэхүүнд 20 хувь, Хятадын бараа бүтээгдэхүүнд 34 хувийн тариф ногдохоор болж байна. Ингэснээр Трампын өдөөсөн “худалдааны дайн”-аас болж Хятадад ногдох Америкийн тарифын хэмжээ 54 хувьд хүрэх гэнэ.
.avif)
